Biblia Takatifu

¹Sikia neno hili, ee nyumba ya Israeli, ombolezo hili ninalifanya kuwahusu ninyi:

²“Bikira Israeli ameanguka,kamwe hatainuka tena,ameachwa pweke katika nchi yake,hakuna yeyote wa kumwinua.”

³Hili ndilo Bwana Mwenyezi asemalo:“Wakati mmoja wa miji yako utakapopeleka watu elfu moja vitani kwa ajili ya Israeli,mia moja tu watarudi;wakati mji utakapopeleka mia moja,kumi tu ndio watarudi hai.”

⁴Hili ndilo Bwana asemalo kwa nyumba ya Israeli:“Nitafuteni mpate kuishi;

⁵msitafute Betheli,msiende Gilgali,msisafiri kwenda Beer-Sheba.Kwa maana kwa hakika Gilgali itakwenda uhamishoni,na Betheli itafanywa kuwa si kitu.”^*

⁶Mtafuteni Bwana mpate kuishi,au atafagia nyumba ya Yosefu kama moto;utawateketeza, nayo Bethelihaitakuwa na yeyote wa kuuzima.

⁷Ninyi ambao mnageuza haki kuwa uchunguna kuiangusha haki chini

⁸(yeye ambaye alifanya Kilimia na Orioni,ambaye hugeuza giza kuwa mapambazuko
na mchana kuwa usiku,ambaye huyaita maji ya baharina kuyamwaga juu ya uso wa nchi:
Bwana ndilo jina lake;

⁹yeye hufanya maangamizo kwenye ngomena kufanya mji uliozungushiwa ngome kuwa ukiwa),

¹⁰mnamchukia yule akemeaye mahakamani,na kumdharau yule ambaye husema kweli.

¹¹Mnamgandamiza maskinina kumlazimisha awape nafaka.Kwa hiyo, ingawa mmejenga majumba ya mawe ya fahari,hamtaishi ndani yake;ingawa mmepanda mashamba mazuri ya mizabibu,hamtakunywa divai yake.

¹²Kwa kuwa ninajua hesabu ya makosa yenuna ukubwa wa dhambi zenu.
Mmewaonea wenye haki na kupokea rushwana kuzuia haki ya maskini mahakamani.

¹³Kwa hiyo mtu mwenye busara hunyamaza kimya nyakati kama hizo,kwa kuwa nyakati ni mbaya.

¹⁴Tafuteni mema, wala si mabaya,ili mpate kuishi.Ndipo Bwana Mungu Mwenye Nguvu Zote atakuwa pamoja nanyi,kama msemavyo yupo nanyi.

¹⁵Yachukieni maovu, yapendeni mema;dumisheni haki mahakamani.Yamkini Bwana Mungu Mwenye Nguvu Zoteatawahurumia mabaki ya Yosefu.

¹⁶Kwa hiyo hili ndilo Bwana, Bwana Mungu Mwenye Nguvu Zote, asemalo:“Kutakuwepo maombolezo katika barabara zotena vilio vya uchungu katika njia kuu zote.Wakulima wataitwa kuja kulia,na waombolezaji waje kuomboleza.

¹⁷Kutakuwepo kuomboleza katika mashamba yote ya mizabibu,kwa kuwa nitapita katikati yenu,”asema Bwana.

¹⁸Ole wenu ninyi mnaoitamanisiku ya Bwana!Kwa nini mnaitamani siku ya Bwana?Siku hiyo itakuwa giza, si nuru.

¹⁹Itakuwa kama vile mtu aliyemkimbia simbakumbe akakutana na dubu,kama vile mtu aliyeingia nyumbani mwakena kuupumzisha mkono wake kwenye ukuta,
kumbe akaumwa na nyoka.

²⁰Je, siku ya Bwana haitakuwa giza, na si nuru:giza nene, bila mwonzi wa mwanga?

²¹“Ninachukia, ninazidharau sikukuu zenu za dini;siwezi kuvumilia makusanyiko yenu.

²²Hata ingawa mnaniletea sadaka zenu za kuteketezwa na sadaka za nafaka,sitazikubali.Ingawa mnaniletea sadaka nzuri za amani,sitazitambua.

²³Niondoleeni kelele za nyimbo zenu!Sitasikiliza sauti za vinubi vyenu.

²⁴Lakini acheni haki itiririke kama mto,na uadilifu uwe kama kijito kisichokauka!

²⁵“Je, mliniletea dhabihu na sadakakwa miaka arobaini kule jangwani,
ee nyumba ya Israeli?

²⁶Mmeyainua madhabahu ya mfalme wenu,Sikuthi mungu wenu mtawala,na Kiuni mungu wenu wa nyota,ambao mliwatengeneza wenyewe.

²⁷Kwa sababu hiyo nitawapeleka uhamishoni mbali kupita Dameski,”asema Bwana, ambaye jina lake ni Mungu Mwenye Nguvu Zote.