Biblia Takatifu

¹Neno alilopokea nabii Habakuki.

²Ee Bwana, hata lini nitakuomba msaada,lakini wewe husikilizi?Au kukulilia, “Udhalimu!”Lakini hutaki kuokoa?

³Kwa nini unanifanya nitazame dhuluma?Kwa nini unavumilia makosa?Uharibifu na udhalimu viko mbele yangu;kuna mabishano na mapambano kwa wingi.

⁴Kwa hiyo sheria imepotoshwa,nayo haki haipo kabisa.Waovu wanawazunguka wenye haki,kwa hiyo haki imepotoshwa.

⁵“Yatazame mataifa,uangalie na ushangae kabisa.Kwa sababu katika siku zako nitafanya kituambacho hungeamini,
hata kama ungeambiwa.

⁶Nitawainua Wakaldayo,watu hao wakatili na wenye haraka,ambao hupita dunia yotekuteka mahali pa kuishi pasipo pao wenyewe.

⁷Ni watu wanoogopwa na wanaotisha;wenyewe ndio sheria yao,
na huinua heshima yao wenyewe.

⁸Farasi wao ni wepesi kuliko chui,na wakali kuliko mbwa mwitu wakati wa machweo.Askari wapanda farasi wao huenda mbio;waendesha farasi wao wanatoka mbali.Wanaruka kasi kama tai ili kurarua;

⁹wote wanakuja tayari kwa fujo.Makundi yao ya wajeuri yanasonga mbelekama upepo wa jangwani,na kukusanya wafungwakama mchanga.

¹⁰Wanawabeza wafalme,na kuwadhihaki watawala.Wanaicheka miji yote iliyozungushiwa maboma;
wanafanya malundo ya udongo na kuiteka hiyo miji.

¹¹Kisha wanapita kasi kama upepo na kusonga mbele:watu wenye hatia, ambao nguvu zao ndio mungu wao.”

¹²Ee Bwana, je, wewe sio wa tangu milele?Mungu wangu, Uliye Mtakatifu wangu, hatutakufa.Ee Bwana, umewachagua wao ili watekeleze hukumu;Ee Mwamba, umewaamuru watuadhibu.

¹³Macho yako ni safi mno hata yasiweze kuutazama uovu,wala huwezi kuvumilia makosa.Kwa nini basi unawavumilia wadanganyifu?Kwa nini unakuwa kimya wakati waovuwanawameza wale wenye hakikuliko wao wenyewe?

¹⁴Umewafanya watu kama samaki baharini,kama viumbe wa bahari wasio na mtawala.

¹⁵Adui mwovu anawavuta wote kwa ndoana,anawakamata katika wavu wake,anawakusanya katika juya lake;kwa hiyo anashangilia na anafurahi.

¹⁶Kwa hiyo anatoa kafara kwa wavu wake,na kuchoma uvumba kwa juya lake,kwa kuwa kwa wavu wake anaishi kwa starehe,na anafurahia chakula kizuri.

¹⁷Je, aendelee kuwatoa walio katika wavu wake,akiangamiza mataifa bila huruma?