Biblia Takatifu

¹Hili ndilo neno lililomjia Yeremia kutoka kwa Bwana:

²“Shuka uende mpaka nyumba ya mfinyanzi, nami huko nitakupa ujumbe wangu.”

³Kwa hiyo nikashuka mpaka kwenye nyumba ya mfinyanzi, nikamkuta akifinyanga kwa gurudumu lake.

⁴Lakini chombo alichokuwa akikifinyanga kutokana na udongo kilivunjika mikononi mwake, hivyo mfinyanzi akakifanya kuwa chombo kingine, umbo jingine kama vile ilivyoonekana vyema kwake yeye.

⁵Kisha neno la Bwana likanijia kusema:

⁶“Ee nyumba ya Israeli, je, siwezi kuwafanyia kama huyu mfinyanzi afanyavyo?” asema Bwana. “Kama vile udongo ulivyo katika mikono ya mfinyanzi, ndivyo mlivyo katika mkono wangu, ee nyumba ya Israeli.

⁷Ikiwa wakati wowote nikitangaza kuwa taifa au ufalme utangʼolewa, utaangushwa na kuangamizwa,

⁸ikiwa lile taifa nililolionya litatubia uovu wake, ndipo nitakapokuwa na huruma, wala sitawapiga kwa maafa niliyokuwa nimewakusudia.

⁹Ikiwa wakati mwingine nitatangaza kuwa taifa ama utawala ujengwe na kuwekwa wakfu,

¹⁰ikiwa utafanya maovu mbele zangu na hukunitii, ndipo nitakapoghairi makusudio yangu mema niliyokuwa nimeyakusudia.

¹¹“Basi kwa hiyo waambie watu wa Yuda na wale waishio Yerusalemu, ‘Hili ndilo asemalo Bwana: Tazama! Ninaandaa maafa kwa ajili yenu, nami ninabuni mabaya dhidi yenu. Kwa hiyo geukeni kutoka njia zenu mbaya, kila mmoja wenu, tengenezeni njia zenu na matendo yenu.’

¹²Lakini wao watajibu, ‘Hakuna faida. Tutaendelea na mipango yetu wenyewe, kila mmoja wetu atafuata ukaidi wa moyo wake mbaya.’ ”

¹³Kwa hiyo hili ndilo asemalo Bwana:“Ulizia miongoni mwa mataifa:Ni nani alishasikia jambo kama hili?Jambo la kutisha sana limefanywana Bikira Israeli.

¹⁴Je, barafu ya Lebanoni iliwahi kutowekakwenye miteremko yake ya mawe wakati wowote?Je, maji yake baridi yatokayo katika vyanzo vilivyo mbaliyaliwahi kukoma kutiririka wakati wowote?

¹⁵Lakini watu wangu wamenisahau mimi,wanafukizia uvumba sanamu zisizofaa kitu,zilizowafanya wajikwae katika njia zaona katika mapito ya zamani.Zimewafanya wapite kwenye vichochorona kwenye barabara ambazo hazikujengwa.

¹⁶Nchi yao itaharibiwa,itakuwa kitu cha kudharauliwa daima;wote wapitao karibu nayo watashangaana kutikisa vichwa vyao.

¹⁷Kama upepo utokao mashariki,nitawatawanya mbele ya adui zao;nitawapa kisogo wala sio uso,katika siku ya maafa yao.”

¹⁸Wakasema, “Njooni, tutunge hila dhidi ya Yeremia; kwa kuwa kufundisha sheria kwa kuhani hakutapotea, wala shauri litokalo kwa mwenye hekima, wala neno la manabii. Hivyo njooni, tumshambulie kwa ndimi zetu na tusijali chochote asemacho.”

¹⁹Nisikilize, Ee Bwana,sikia wanayosema washtaki wangu!

²⁰Je, mema yalipwe kwa mabaya?Lakini wao wamenichimbia shimo.Kumbuka kwamba nilisimama mbele yakona kunena mema kwa ajili yao,
ili wewe ugeuze hasira yako kali mbali nao.

²¹Kwa hiyo uwaache watoto wao waone njaa;uwaache wauawe kwa makali ya upanga.Wake zao wasiwe na watoto, na wawe wajane;waume wao wauawe,nao vijana wao waumewachinjwe kwa upanga vitani.

²²Kilio na kisikike kutoka kwenye nyumba zaoghafula uwaletapo adui dhidi yao,kwa kuwa wamechimba shimo ili kunikamatana wameitegea miguu yangu mitego.

²³Lakini unajua, Ee Bwana,hila zao zote za kuniua.Usiyasamehe makosa yaowala usifute dhambi zao
mbele za macho yako.Wao na waangamizwe mbele zako;uwashughulikie wakati wa hasira yako.