Biblia Takatifu

¹Kisha Ayubu akajibu:

²“Naam, najua hili ni kweli.Lakini mwanadamu awezaje kuwa mwadilifu mbele za Mungu?

³Ingawa mtu angetaka kushindana naye,asingaliweza kumjibu Mungu hata mara moja miongoni mwa elfu moja.

⁴Hekima yake ni kubwa sana na ana uwezo mwingi mno.Ni nani aliyempinga naye akawa salama?

⁵Aiondoa milima bila yenyewe kujuana kuipindua kwa hasira yake.

⁶Aitikisa dunia kutoka mahali pakena kuzifanya nguzo zake zitetemeke.

⁷Husema na jua, nalo likaacha kuangaza;naye huizima mianga ya nyota.

⁸Yeye peke yake huzitandaza mbinguna kuyakanyaga mawimbi ya bahari.

⁹Yeye ndiye Muumba wa nyota za Dubu,^*na Orioni,^*Kilimia,^*na makundi ya nyota za kusini.

¹⁰Hutenda maajabu yasiyopimika,miujiza isiyoweza kuhesabiwa.

¹¹Anapopita karibu nami, siwezi kumwona;apitapo mbele yangu, simtambui.

¹²Anapochukua kwa ghafula, ni nani awezaye kumzuia?Ni nani awezaye kumwambia, ‘Unafanya nini?’

¹³Mungu hataizuia hasira yake;hata jeshi kubwa la Rahabu^*lenye nguvu
linajikunyata miguuni pake.

¹⁴“Ni vipi basi mimi nitaweza kubishana naye?Nawezaje kupata maneno ya kuhojiana naye?

¹⁵Ingawa sikuwa na hatia, sikuweza kumjibu;ningeweza tu kumsihi Mhukumu wangu anihurumie.

¹⁶Hata kama ningemwita kwenye shauri, naye akakubali,siamini kama angenisikiliza.

¹⁷Yeye angeniangamiza kwa dhorubana kuongeza majeraha yangu pasipo na sababu.

¹⁸Asingeniacha nipumuebali angenifunika kabisa na huzuni kuu.

¹⁹Kama ni suala la nguvu, yeye ni mwenye nguvu!Kama ni suala la haki, ni nani awezaye kumwita mahakamani?

²⁰Hata kama sikuwa na hatia, kinywa changu kingenihukumu;kama sikuwa na kosa, kingenitangaza kuwa mwenye hatia.

²¹“Ingawa mimi sina kosa,haileti tofauti katika nafsi yangu;
nauchukia uhai wangu.

²²Hayo yote ni sawa; ndiyo sababu nasema,‘Yeye huwaangamiza wasio na makosa pamoja na waovu.’

²³Wakati pigo liletapo kifo cha ghafula,yeye hudhihaki kule kukata tamaa kwa yule asiye na kosa.

²⁴Wakati nchi inapoangukia mikononi mwa waovu,yeye huwafunga macho mahakimu wake.
Kama si yeye, basi ni nani?

²⁵“Siku zangu zapita mbio kuliko mkimbiaji;zinapita upesi bila kuona furaha hata kidogo.

²⁶Zinapita upesi kama mashua ya mafunjo,mfano wa tai ayashukiaye mawindo kwa ghafula.

²⁷Kama nikisema, ‘Nitayasahau malalamiko yangu,nitabadili sura ya uso wangu na kutabasamu,’

²⁸bado ninahofia mateso yangu yote,kwa kuwa ninajua hutanihesabu kuwa sina hatia.

²⁹Kwa kuwa nimeonekana mwenye hatia,kwa nini basi nitaabishwe bure?

³⁰Hata kama ningejiosha kwa sabunina kutakasa mikono yangu kwa magadi,

³¹wewe ungenitupa kwenye shimo la utelezikiasi kwamba hata nguo zangu zingenichukia sana.

³²“Yeye si mwanadamu kama mimi ili niweze kumjibu,ili kwamba tuweze kushindana naye mahakamani.

³³Laiti angelikuwepo mtu wa kutupatanisha kati yetu,aweke mkono wake juu yetu sote wawili,

³⁴mtu angeliiondoa fimbo ya Mungu juu yangu,ili utisho wake usiendelee kunitia hofu.

³⁵Ndipo ningenena naye, bila kumwogopa,lakini kama ilivyo kwangu sasa, sitaweza.