Biblia Takatifu

¹Hawa ndio wafalme wa nchi ambao Waisraeli waliwashinda na kuitwaa nchi yao upande wa mashariki mwa Yordani, kuanzia Bonde la Arnoni mpaka Mlima Hermoni, pamoja na eneo lote la upande wa mashariki ya Araba:

²Sihoni mfalme wa Waamori, ambaye alitawala huko Heshboni. Alitawala kuanzia Aroeri kwenye ukingo wa Bonde la Arnoni, kuanzia katikati ya bonde, hadi kwenye Mto Yaboki, ambao ni mpaka wa Waamoni. Hii ilijumlisha nusu ya Gileadi.

³Pia alitawala Araba ya mashariki kuanzia Bahari ya Kinerethi^*hadi Bahari ya Araba (yaani Bahari ya Chumvi^*), hadi Beth-Yeshimothi, kisha kuelekea kusini chini ya materemko ya Pisga.

⁴Nayo nchi ya Ogu mfalme wa Bashani, aliyekuwa mmoja wa mabaki ya Warefai, aliyetawala Ashtarothi na Edrei.

⁵Naye alitawala katika Mlima Hermoni, Saleka, Bashani yote hadi mpaka wa watu wa Geshuri, na watu wa Maaka na nusu ya Gileadi, hadi kwenye mpaka wa Sihoni mfalme wa Heshboni.

⁶Mose, mtumishi wa Bwana, na Waisraeli wakawashinda. Naye Mose mtumishi wa Bwana akawapa Wareubeni, Wagadi na nusu ya kabila la Manase nchi ya hao wafalme ili iwe milki yao.

⁷Hawa ndio wafalme wa nchi ambao Yoshua na Waisraeli waliwashinda upande wa magharibi mwa Yordani, kuanzia Baal-Gadi katika Bonde la Lebanoni hadi kufikia Mlima Halaki, unaoinuka ukielekea Seiri. (Yoshua alitoa nchi zao kwa makabila ya Israeli iwe urithi wao sawasawa na mgawanyiko wa makabila yao:

⁸nchi ya vilima, shefela, upande wa magharibi, Araba, materemko ya milima, jangwa, na Negebu; nchi za Wahiti, Waamori, Wakanaani, Waperizi, Wahivi na Wayebusi):

⁹mfalme wa Yerikommojamfalme wa Ai (karibu na Betheli)mmoja

¹⁰mfalme wa Yerusalemummojamfalme wa Hebronimmoja

¹¹mfalme wa Yarmuthimmojamfalme wa Lakishimmoja

¹²mfalme wa Eglonimmojamfalme wa Gezerimmoja

¹³mfalme wa Debirimmojamfalme wa Gederimmoja

¹⁴mfalme wa Hormammojamfalme wa Aradimmoja

¹⁵mfalme wa Libnammojamfalme wa Adulamummoja

¹⁶mfalme wa Makedammojamfalme wa Bethelimmoja

¹⁷mfalme wa Tapuammojamfalme wa Heferimmoja

¹⁸mfalme wa Afekimmojamfalme wa Lasharonimmoja

¹⁹mfalme wa Madonimmojamfalme wa Hazorimmoja

²⁰mfalme wa Shimron-Meronimmojamfalme wa Akishafummoja

²¹mfalme wa Taanakimmojamfalme wa Megidommoja

²²mfalme wa Kedeshimmojamfalme wa Yokneamu katika Karmelimmoja

²³mfalme wa Dori (katika Nafoth-Dori)^*mmojamfalme wa Goimu katika Gilgalimmoja

²⁴mfalme wa Tirsammoja wafalme jumla yao ilikuwa thelathini na mmoja.