Biblia Takatifu

¹Ole kwa wale wapangao uovu,kwa wale wafanyao shauri la hila vitandani mwao!Kunapopambazuka wanalitimizakwa sababu uko katika uwezo wao kutekeleza.

²Wanatamani mashamba na kuyakamata,pia nyumba na kuzichukua.Wanamlaghai mwanaume nyumba yake,mwanadamu mwenzake urithi wake.

³Kwa hiyo, Bwana asema:“Ninapanga maangamizi dhidi ya watu hawa,ambayo hamwezi kujiokoa wenyewe.Hamtatembea tena kwa majivuno,kwa kuwa utakuwa ni wakati wa maafa.

⁴Siku hiyo watu watawadhihaki,watawafanyia mzaha
kwa wimbo huu wa maombolezo:‘Tumeangamizwa kabisa;mali ya watu wangu imegawanywa.Ameninyangʼanya!Ametoa mashamba yetu kwa wasaliti.’ ”

⁵Kwa hiyo hutakuwa na yeyote katika kusanyiko la Bwanawa kugawanya mashamba kwa kura.

⁶Manabii wao husema, “Usitabiri.Usitabiri kuhusu vitu hivi;
aibu haitatupata.”

⁷Je, ingesemwa, ee nyumba ya Yakobo:“Je, Roho wa Bwana amekasirika?
Je, yeye hufanya vitu kama hivyo?”
“Je, maneno yangu hayamfanyii memayeye ambaye njia zake ni nyofu?

⁸Siku hizi watu wangu wameinukakama adui.Unawavua joho la kitajiri wale wanaopitapasipo kujali,
kama watu warudio kutoka vitani.

⁹Unawahamisha wanawake wa watu wangukutoka kwenye nyumba zao za kupendeza.Unaondoa baraka yangukwa watoto wao milele.

¹⁰Inuka, nenda zako!Kwa maana hapa sio mahali pako pa kupumzikia,kwa sababu pametiwa unajisi,pameharibiwa, wala hapatengenezeki tena.

¹¹Ikiwa mwongo na mdanganyifu atakuja na kusema,‘Nitawatabiria divai na pombe kwa wingi,’angekuwa ndiye nabiianayekubalika na watu hawa!

¹²“Hakika nitawakusanya ninyi nyote, ee Yakobo,Hakika nitawaleta pamoja mabaki ya Israeli.Nitawaleta pamoja kama kondoo ndani ya zizi,kama kundi kwenye malisho yake,
mahali hapa patakuwa na msongamano wa watu.

¹³Yeye afunguaye njia atawatangulia;watapita kwenye lango na kutoka nje.Mfalme wao atawatangulia,Bwana atakuwa kiongozi.”