Biblia Takatifu

¹Ole wa mji umwagao damu,uliojaa uongo,umejaa nyara,usiokosa kuwa na vitu vya kuteka nyara.

²Kelele za mijeledi,vishindo vya magurudumu,farasi waendao mbiona mshtuo wa magari ya vita!

³Wapanda farasi wanaenda mbio,panga zinameremeta,
na mikuki inangʼaa!Majeruhi wengi,malundo ya maiti,idadi kubwa ya miili isiyohesabika,watu wanajikwaa juu ya mizoga:

⁴yote haya kwa sababu ya wingi wa tamaa za kahaba,anayeshawishi, bibi wa mambo ya uchawi,anayewatia utumwani mataifa kwa ukahaba wakena pia jamaa za watu kwa ulozi wake.

⁵Bwana Mwenye Nguvu Zote anasema,“Mimi ni kinyume na ninyi.
Nitafunika uso wako kwa gauni lako.Nitaonyesha mataifa uchi wakona falme aibu yako.

⁶Nitakutupia uchafu,nitakufanyia dharau
na kukufanya kioja.

⁷Wote wanaokuona watakukimbia na kusema,‘Ninawi ipo katika kuangamia:ni nani atakayeomboleza kwa ajili yake?’Nitampata wapi yeyote wa kukufariji?”

⁸Je, wewe ni bora kuliko No-Amoni,uliopo katika Mto Naili,
uliozungukwa na maji?Mto ulikuwa kinga yake,nayo maji yalikuwa ukuta wake.

⁹Kushi^*na Misri walikuwa nguvu zake zisizo na mpaka;Putu na Libia walikuwa miongoni mwa wale walioungana naye.

¹⁰Hata hivyo alichukuliwa matekana kwenda uhamishoni.Watoto wake wachanga walivunjwa vunjwa vipandekwenye mwanzo wa kila barabara.Kura zilipigwa kwa watu wake wenye heshima,na watu wake wote wakuu walifungwa kwa minyororo.

¹¹Wewe pia utalewa;utakwenda mafichoni
na kutafuta kimbilio kutoka kwa adui.

¹²Ngome zako zote ni kama mitiniyenye matunda yake ya kwanza yaliyoiva;wakati inapotikiswa,tini huanguka kwenye kinywa chake alaye.

¹³Tazama vikosi vyako:wote ni wanawake!Malango ya nchi yakoyamekuwa wazi kwa adui zako;
moto umeteketeza mapingo yake.

¹⁴Teka maji kwa ajili ya kuzingirwa kwako,imarisha ulinzi wako,Ufanyie udongo wa mfinyanzi kazi,yakanyage matope,
karabati tanuru la kuchomea matofali!

¹⁵Huko moto utakuteketeza,huko upanga utakuangusha chini
na kama vile panzi, watakumaliza.Ongezeka kama panzi,ongezeka kama nzige!

¹⁶Umeongeza idadi ya wafanyabiashara wakompaka wamekuwa wengi kuliko nyota za angani,lakini kama nzige wanaacha nchi tupukisha huruka na kwenda zake.

¹⁷Walinzi wako ni kama nzige,maafisa wako ni kama makundi ya nzige
watuao kwenye kuta wakati wa siku ya baridi:lakini wakati jua linapotokea wanaruka kwenda zao,na hakuna ajuaye waendako.

¹⁸Ee mfalme wa Ashuru, wachungaji wako wanasinzia;wakuu wako wanalala chini mavumbini kupumzika.Watu wako wametawanyika juu ya milimabila kuwa na mtu yeyote wa kuwakusanya.

¹⁹Hakuna kitu kinachoweza kuponya jeraha lako;jeraha lako ni la kukuua.Kila anayesikia habari zako,hupiga makofi kwa kuanguka kwako,kwa kuwa ni nani ambaye hajaguswana ukatili wako usio na mwisho?