Biblia Takatifu

¹Mwanangu, sikiliza kwa makini hekima yangu,sikiliza vizuri maneno yangu ya busara,

²ili uweze kutunza busarana midomo yako ihifadhi maarifa.

³Kwa maana midomo ya mwanamke kahabahudondoza asali,na maneno ya kinywa chakeni laini kuliko mafuta;

⁴lakini mwisho wake ni mchungu kama nyongo,mkali kama upanga ukatao kuwili.

⁵Miguu yake hushuka kuelekea kwenye kifo;hatua zake huelekea moja kwa moja kaburini.^*

⁶Yeye hafikiri juu ya njia ya uzima;njia zake zimepotoka, lakini yeye hajui.

⁷Sasa basi wanangu, nisikilizeni;msiache ninalowaambia.

⁸Njia zenu ziwe mbali naye,msiende karibu na mlango wa nyumba yake,

⁹usije ukatoa nguvu zako nzuri kwa wenginena miaka yako kwa aliye mkatili,

¹⁰wageni wasije wakasherehekea utajiri wakona jitihada yako ikatajirisha
nyumba ya mwanaume mwingine.

¹¹Mwishoni mwa maisha yako utalia kwa uchungu,wakati nyama na mwili wako vimechakaa.

¹²Utasema, “Tazama jinsi gani nilivyochukia adhabu!Tazama jinsi moyo wangu ulivyodharau maonyo!

¹³Sikuwatii walimu wanguwala kuwasikiliza wakufunzi wangu.

¹⁴Nimefika ukingoni mwa maangamizi kabisakatikati ya kusanyiko lote.”

¹⁵Kunywa maji kutoka kwenye kisima chako mwenyewe,maji yanayotiririka kutoka kwenye kisima chako mwenyewe.

¹⁶Je, chemchemi zako zifurike katika barabara za mjina vijito vyako vya maji viwanjani?

¹⁷Na viwe vyako mwenyewe,kamwe visishirikishwe wageni.

¹⁸Chemchemi yako na ibarikiwena umfurahie mke wa ujana wako.

¹⁹Kulungu jike apendaye, kulungu mzuri:matiti yake na yakutosheleze siku zote,
nawe utekwe daima na upendo wake.

²⁰Kwa nini mwanangu, utekwe na mwanamke kahaba?Kwa nini ukumbatie kifua cha mke wa mwanaume mwingine?

²¹Kwa maana njia za mtu ni wazi kabisa mbele za Bwana,naye huyapima mapito yake yote.

²²Matendo mabaya ya mtu mwovu humnasa yeye mwenyewe;kamba za dhambi yake humkamata kwa nguvu.

²³Atakufa kwa kukosa nidhamu,akipotoshwa kwa upumbavu wake mwenyewe.