Biblia Takatifu

¹Hekima amejenga nyumba yake;amechonga nguzo zake saba.

²Ameandaa nyama na kuchanganya divai yake;pia ameandaa meza yake.

³Amewatuma watumishi wake wa kike, naye huitakutoka mahali pa juu sana pa mji.

⁴Anawaambia wale wasio na akili,“Wote ambao ni wajinga na waje hapa!

⁵Njooni, mle chakula changuna mnywe divai niliyoichanganya.

⁶Acheni njia zenu za ujinga nanyi mtaishi;tembeeni katika njia ya ufahamu.

⁷“Yeyote anayemkosoa mwenye mzahahukaribisha matukano;yeyote anayekemea mtu mwovuhupatwa na matusi.

⁸Usimkemee mwenye mzaha la sivyo atakuchukia;mkemee mwenye hekima naye atakupenda.

⁹Mfundishe mtu mwenye hekimanaye atakuwa na hekima zaidi;mfundishe mtu mwadilifunaye atazidi kufundishika.

¹⁰“Kumcha Bwana ndicho chanzo cha hekima,na kumjua Aliye Mtakatifu ni ufahamu.

¹¹Kwa maana kwa msaada wangusiku zako zitakuwa nyingi,
na miaka itaongezwa katika maisha yako.

¹²Kama wewe una hekima, hekima yako itakupa tuzo;kama wewe ni mtu wa mzaha,
wewe mwenyewe ndiwe utateseka.”

¹³Mwanamke aitwaye Mpumbavu ana kelele;hana adabu na hana maarifa.

¹⁴Huketi kwenye mlango wa nyumba yake,juu ya kiti katika mahali pa juu sana pa mji,

¹⁵akiita wale wapitao karibu,waendao moja kwa moja kwenye njia yao.

¹⁶Anawaambia wale wasio na akili,“Wote ambao ni wajinga na waje hapa ndani!”

¹⁷“Maji yaliyoibiwa ni matamu;chakula kinacholiwa sirini ni kitamu!”

¹⁸Lakini hawajui hata kidogo kuwa wafu wako humo,kwamba wageni wake huyo mwanamke
wako katika vilindi vya kuzimu.