Biblia Takatifu

¹Ee Mungu, usinyamaze kimya,usinyamaze, Ee Mungu, usitulie.

²Tazama watesi wako wanafanya fujo,jinsi adui zako wanavyoinua vichwa vyao.

³Kwa hila, wanafanya shauri dhidi ya watu wako,wanafanya shauri baya dhidi ya wale unaowapenda.

⁴Wanasema, “Njooni, tuwaangamize kama taifa,ili jina la Israeli lisikumbukwe tena.”

⁵Kwa nia moja wanapanga mashauri mabaya pamoja,wanafanya muungano dhidi yako,

⁶mahema ya Edomu na Waishmaeli,ya Wamoabu na Wahagari,

⁷Gebali,^*Amoni na Amaleki,Ufilisti, pamoja na watu wa Tiro.

⁸Hata Ashuru wameungana naokuwapa nguvu wazao wa Loti.

⁹Uwatendee kama vile ulivyowatendea Midiani,na kama vile ulivyowatendea Sisera na Yabini
hapo kijito cha Kishoni,

¹⁰ambao waliangamia huko Endorina wakawa kama takataka juu ya nchi.

¹¹Wafanye wakuu wao kama Orebu na Zeebu,watawala wao kama Zeba na Salmuna,

¹²ambao walisema, “Na tumiliki nchiya malisho ya Mungu.”

¹³Ee Mungu wangu, wapeperushe kama mavumbi ya kisulisuli,kama makapi yapeperushwayo na upepo.

¹⁴Kama vile moto uteketezavyo msituau mwali wa moto unavyounguza milima,

¹⁵wafuatilie kwa tufani yakona kuwafadhaisha kwa dhoruba yako.

¹⁶Funika nyuso zao kwa aibuili watu walitafute jina lako, Ee Bwana.

¹⁷Wao na waaibishwe na kufadhaishwa milele,na waangamie kwa aibu.

¹⁸Hebu wajue kwamba wewe, ambaye jina lako ni Bwana,kwamba wewe peke yako ndiwe Uliye Juu Sana ya dunia yote.