Biblia Takatifu

¹Misemo ya Aguri mwana wa Yake, usia:Huyu mtu alimwambia Ithieli,naam, kwa Ithieli na kwa Ukali:

²“Mimi ni mjinga kuliko wanadamu wote;sina ufahamu wa kibinadamu.

³Sijajifunza hekima,wala sina maarifa ya kumjua yeye Aliye Mtakatifu.

⁴Ni nani ameshapanda mbinguni na kushuka?Ni nani ameshakusanya upepo
kwenye vitanga vya mikono yake?Ni nani ameshafungia maji kwenye nguo yake?Ni nani ameimarisha miisho yote ya dunia?Jina lake ni nani, na mwanawe anaitwa nani?Niambie kama unajua!

⁵“Kila neno la Mungu ni kamilifu;yeye ni ngao kwa wale wanaomkimbilia.

⁶Usiongeze kwenye maneno yake,ama atakukemea na kukuthibitisha kuwa mwongo.

⁷“Ninakuomba vitu viwili, Ee Bwana;usininyime kabla sijafa:

⁸Uutenge mbali nami udanganyifu na uongo;usinipe umaskini wala utajiri,
bali unipe chakula cha kunitosha kila siku.

⁹Nisije nikawa na vingi vya kuzidi nikakukanana kusema, ‘Bwana ni nani?’Au nisije nikawa maskini nikaiba,nami nikaliaibisha jina la Mungu wangu.

¹⁰“Usimchongee mtumishi kwa bwana wake,asije akakulaani, ukapatilizwa kwalo.

¹¹“Wako watu wale ambao huwalaani baba zaona wala hawawabariki mama zao;

¹²wale ambao ni safi machoni pao wenyewekumbe hawakuoshwa uchafu wao;

¹³wale ambao daima macho yao ni ya kiburi,ambao kutazama kwao ni kwa dharau;

¹⁴wale ambao meno yao ni pangana ambao mataya yao yamewekwa visukuwaangamiza maskini katika nchi,na wahitaji kutoka miongoni mwa wanadamu.

¹⁵“Mruba anao binti wawili waliao,‘Nipe! Nipe!’
“Kuna vitu vitatu visivyotosheka kamwe,naam, viko vinne visivyosema, ‘Yatosha!’:

¹⁶Ni kaburi, tumbo lisilozaa,nchi isiyoshiba maji kamwe,
na moto, usiosema kamwe, ‘Yatosha!’

¹⁷“Jicho lile limdhihakilo baba,lile linalodharau kumtii mama,litangʼolewa na kunguru wa bondeni,litaliwa na tai.

¹⁸“Kuna vitu vitatu vinavyonishangaza sana,naam, vinne nisivyovielewa:

¹⁹Ni mwendo wa tai katika anga,mwendo wa nyoka juu ya mwamba,mwendo wa meli katika maji makuu ya bahari,nao mwendo wa mtu pamoja na msichana.

²⁰“Huu ndio mwendo wa mwanamke mzinzi,hula akapangusa kinywa chake na kusema,
‘Sikufanya chochote kibaya.’

²¹“Kwa mambo matatu nchi hutetemeka,naam, kwa mambo manne haiwezi kuvumilia:

²²Mtumwa awapo mfalme,mpumbavu ashibapo chakula,

²³mwanamke asiyependwa aolewapo,naye mtumishi wa kike achukuapo nafasi ya bibi yake.

²⁴“Vitu vinne duniani vilivyo vidogo,lakini vina akili nyingi sana:

²⁵Mchwa ni viumbe wenye nguvu ndogo,hata hivyo hujiwekea akiba ya chakula chao wakati wa kiangazi.

²⁶Pelele ni viumbe vyenye uwezo mdogohata hivyo hujitengenezea nyumba zao kwenye miamba.

²⁷Nzige hawana mfalme,hata hivyo huenda pamoja vikosi vikosi.

²⁸Mjusi anaweza kushikwa kwa mkono,hata hivyo huonekana katika majumba ya kifalme.

²⁹“Viko vitu vitatu ambavyo vinapendeza katika mwendo wao,naam, vinne ambavyo hutembea kwa mwendo wa madaha:

³⁰simba, mwenye nguvu miongoni mwa wanyama,asiyerudi nyuma kwa chochote;

³¹jogoo atembeaye kwa maringo, pia beberu,naye mfalme pamoja na jeshi lake lililomzunguka.

³²“Ikiwa umefanya upumbavu na ukajitukuza mwenyewe,au kama umepanga mabaya,
basi funika mdomo wako na mkono wako.

³³Kwa maana kama vile kusukasuka maziwa hutoa siagi,na pia kule kufinya pua hutoa damu,
kadhalika kuchochea hasira hutokeza ugomvi.”