Biblia Takatifu

¹Sio kwetu sisi, Ee Bwana, sio kwetu sisi,bali utukufu ni kwa jina lako,kwa sababu ya upendona uaminifu wako.

²Kwa nini mataifa waseme,“Yuko wapi Mungu wao?”

³Mungu wetu yuko mbinguni,naye hufanya lolote limpendezalo.

⁴Lakini sanamu zao ni za fedha na dhahabu,zilizotengenezwa kwa mikono ya wanadamu.

⁵Zina vinywa, lakini haziwezi kusema,zina macho, lakini haziwezi kuona;

⁶zina masikio, lakini haziwezi kusikia,zina pua, lakini haziwezi kunusa;

⁷zina mikono, lakini haziwezi kupapasa,zina miguu, lakini haziwezi kutembea;
wala koo zao haziwezi kutoa sauti.

⁸Wale wanaozitengeneza watafanana nazo,vivyo hivyo wale wote wanaozitumainia.

⁹Ee nyumba ya Israeli, mtumainini Bwana,yeye ni msaada na ngao yao.

¹⁰Ee nyumba ya Aroni, mtumainini Bwana,yeye ni msaada na ngao yao.

¹¹Ninyi mnaomcha, mtumainini Bwana,yeye ni msaada na ngao yao.

¹²Bwana anatukumbuka na atatubariki:ataibariki nyumba ya Israeli,
ataibariki nyumba ya Aroni,

¹³atawabariki wale wanaomcha Bwana,wadogo kwa wakubwa.

¹⁴Bwana na awawezeshe kuongezeka,ninyi na watoto wenu.

¹⁵Mbarikiwe na BwanaMuumba wa mbingu na dunia.

¹⁶Mbingu zilizo juu sana ni mali ya Bwana,lakini dunia amempa mwanadamu.

¹⁷Sio wafu wanaomsifu Bwana,wale washukao mahali pa kimya,^*

¹⁸bali ni sisi tunaomtukuza Bwana,sasa na hata milele.
Msifuni Bwana.^*