Biblia Takatifu

¹Ninampenda Bwana kwa maana amesikia sauti yangu;amesikia kilio changu ili anihurumie.

²Kwa sababu amenitegea sikio lake,nitamwita siku zote za maisha yangu.

³Kamba za mauti zilinizunguka,maumivu makuu ya kuzimu yalinipata,
nikalemewa na taabu na huzuni.

⁴Ndipo nikaliitia jina la Bwana:“Ee Bwana, niokoe!”

⁵Bwana ni mwenye neema na haki,Mungu wetu ni mwingi wa huruma.

⁶Bwana huwalinda wanyenyekevu,nilipokuwa katika shida kubwa, aliniokoa.

⁷Ee nafsi yangu, tulia tena,kwa kuwa Bwana amekuwa mwema kwako.

⁸Kwa kuwa wewe, Ee Bwana,umeniokoa nafsi yangu na mauti,macho yangu kutokana na machozi,miguu yangu kutokana na kujikwaa,

⁹ili niweze kutembea mbele za Bwana,katika nchi ya walio hai.

¹⁰Niliamini, kwa hiyo nilisema,“Mimi nimeteseka sana.”

¹¹Katika taabu yangu nilisema,“Wanadamu wote ni waongo.”

¹²Nimrudishie Bwana ninikwa wema wake wote alionitendea?

¹³Nitakiinua kikombe cha wokovuna kulitangaza jina la Bwana.

¹⁴Nitazitimiza nadhiri zangu kwa Bwanambele za watu wake wote.

¹⁵Kifo cha watakatifu kina thamanimachoni pa Bwana.

¹⁶Ee Bwana, hakika mimi ni mtumishi wako,mimi ni mtumishi wako,
mwana wa mjakazi wako;^*umeniweka hurutoka katika minyororo yangu.

¹⁷Nitakutolea dhabihu ya kukushukuruna kuliita jina la Bwana.

¹⁸Nitazitimiza nadhiri zangu kwa Bwanambele za watu wake wote,

¹⁹katika nyua za nyumba ya Bwana,katikati yako, ee Yerusalemu.
Msifuni Bwana.