Biblia Takatifu

¹Mshukuruni Bwana, kwa kuwa ni mwema;upendo wake wadumu milele.

²Israeli na aseme sasa:“Upendo wake wadumu milele.”

³Nyumba ya Aroni na iseme sasa:“Upendo wake wadumu milele.”

⁴Wote wamchao Bwana na waseme sasa:“Upendo wake wadumu milele.”

⁵Wakati wa maumivu yangu makuu nilimlilia Bwana,naye akanijibu kwa kuniweka huru.

⁶Bwana yuko pamoja nami, sitaogopa.Mwanadamu anaweza kunitenda nini?

⁷Bwana yuko pamoja nami,yeye ni msaidizi wangu.Nitawatazama adui zanguwakiwa wameshindwa.

⁸Ni bora kumkimbilia Bwanakuliko kumtumainia mwanadamu.

⁹Ni bora kumkimbilia Bwanakuliko kuwatumainia wakuu.

¹⁰Mataifa yote yalinizunguka,lakini kwa jina la Bwana naliwakatilia mbali.

¹¹Walinizunguka pande zote,lakini kwa jina la Bwana naliwakatilia mbali.

¹²Walinizunguka kama kundi la nyuki,lakini walikufa haraka kama miiba iteketeayo;
kwa jina la Bwana naliwakatilia mbali.

¹³Nilisukumwa nyuma karibu kuanguka,lakini Bwana alinisaidia.

¹⁴Bwana ni nguvu yangu na wimbo wangu,yeye amefanyika wokovu wangu.

¹⁵Sauti za shangwe na ushindizinavuma hemani mwa wenye haki:“Mkono wa kuume wa Bwanaumetenda mambo makuu!

¹⁶Mkono wa kuume wa Bwanaumeinuliwa juu,mkono wa kuume wa Bwanaumetenda mambo makuu!”

¹⁷Sitakufa, bali nitaishi,nami nitatangaza yale Bwana aliyoyatenda.

¹⁸Bwana ameniadhibu vikali,lakini hakuniacha nife.

¹⁹Nifungulie malango ya haki,nami nitaingia na kumshukuru Bwana.

²⁰Hili ni lango la Bwanaambalo wenye haki wanaweza kuliingia.

²¹Nitakushukuru, kwa kuwa ulinijibu,umekuwa wokovu wangu.

²²Jiwe walilolikataa waashi,limekuwa jiwe kuu la pembeni.

²³Bwana ametenda hili,nalo ni la kushangaza machoni petu.

²⁴Hii ndiyo siku Bwana aliyoifanya,tushangilie na kufurahi ndani yake.

²⁵Ee Bwana, tuokoe,Ee Bwana, utujalie mafanikio.

²⁶Heri yule ajaye kwa jina la Bwana.Kutoka nyumba ya Bwana tunakubariki.

²⁷Bwana ndiye Mungu,naye ametuangazia nuru yake.Mkiwa na matawi mkononi,unganeni kwenye maandamano ya sikukuu
hadi kwenye pembe za madhabahu.

²⁸Wewe ni Mungu wangu, nitakushukuru,wewe ni Mungu wangu, nitakutukuza.

²⁹Mshukuruni Bwana kwa kuwa ni mwema;upendo wake wadumu milele.