Biblia Takatifu

¹Ee Mchungaji wa Israeli tusikie,wewe umwongozaye Yosefu kama kundi;wewe uketiye katika kiti cha enzikatikati ya makerubi, angaza

²mbele ya Efraimu, Benyamini na Manase.Uamshe nguvu zako,uje utuokoe.

³Ee Mungu, uturejeshe,utuangazie uso wako,
ili tuweze kuokolewa.

⁴Ee Bwana Mungu Mwenye Nguvu Zote,hata lini hasira yako itawaka na kufoka moshi
dhidi ya maombi ya watu wako?

⁵Umewalisha kwa mkate wa machozi,umewafanya wanywe machozi bakuli tele.

⁶Tumekuwa chanzo cha ugomvi kwa jirani zetu,na adui zetu wanatudhihaki.

⁷Ee Mungu Mwenye Nguvu Zote, uturejeshe;utuangazie uso wako,
nasi tuweze kuokolewa.

⁸Ulileta mzabibu kutoka Misri,ukawafukuza mataifa, ukaupanda.

⁹Uliandaa shamba kwa ajili yake,mizizi ikawa imara, ukajaza nchi.

¹⁰Milima ilifunikwa kwa kivuli chake,matawi yake yakafunika mierezi mikubwa.

¹¹Matawi yake yalienea mpaka Baharini,^*machipukizi yake mpaka kwenye Mto.^*

¹²Mbona umebomoa kuta zakeili wote wapitao karibu
wazichume zabibu zake?

¹³Nguruwe mwitu wanauharibuna wanyama wa kondeni hujilisha humo.

¹⁴Turudie, Ee Mungu Mwenye Nguvu Zote!Tazama chini kutoka mbinguni na uone!Linda mzabibu huu,

¹⁵mche ulioupanda kwa mkono wako wa kuume,mwana uliyemleakwa ajili yako mwenyewe.

¹⁶Mzabibu wako umekatwa, umechomwa moto,unapowakemea, watu wako huangamia.

¹⁷Mkono wako na utulie juu ya mtu aliyeko mkono wako wa kuume,mwana wa mtu uliyemlea kwa ajili yako mwenyewe.

¹⁸Ndipo hatutakuacha tena,utuhuishe, nasi tutaliitia jina lako.

¹⁹Ee Bwana Mungu Mwenye Nguvu Zote, uturejeshe;utuangazie uso wako,
ili tuweze kuokolewa.